Kash mai sach me tera ho jau...

Kash mai sach me tera ho jau...

Teri jheel si aankho me dooba hi jau,

Teri zulfo ki chadar ke niche so jau,

Tere chand se mukhde ko takta rah jau,

Kash mai sach me tera ho jau...

Mere khushiyo ke pal ka ehsaas ho tum,

Mere murjhaye hue dil ki pyas ho tum,

Jise sunna mai chahu vo awaz ho tum,

Mere chehre ki hasi ka raaz ho tum,

Us hasi me hi kahi mai ghum ho jau,

Kash mai sach me tera ho jau...

Tere mathe ki bindi aur hotho ki laali,

Nazar maine apni sirf tum per hi dali,

Tere aane se pehle tha dil mera khali,

Tumhe dekh kar hi maine nayi zindagi paali,

Us chotisi zindagi ka hissa ban jau,

Kash mai sach me tera ho jau...

Mere ulze sawalon ka jawab ho tum,

Jise padhna mai chahu vo kitab ho tum,

Amrit se bhi mehengi sharab ho tum,

Dil me basa khoobsurat sa khwab ho tum,

Un khwabo me sapno ki duniya sajau,

Kash mai sach me tera ho jau...

Manzil chahe door, per hatho me tera hath ho,

Khush rakhu mai tujhko mujhme itni si aukat ho,

Bin tere na guzre chahe din ho ya raat ho,

Ho milan jab bhi dono ka rim jhim kar barsat ho,

Us sawan ki barsat me geet tujhe sunau,

Kash mai sach me tera ho jau...

Sapno me mai jholi teri khushiyo se hi bharta hu,

Kahi vehem na reh jaye sapna mera, iss baat se darta hu,

Tum samajh bhi na paoge mai tumpe kitna marta hu,

Jab baat rishto ki hoti hai intezar tera mai karta hu,

Us intezar ki ghadi me, waqt tera ban jau,

Kash mai sach me tera ho jau...

Meri mushkilo ko samajhne wala tuhi mera yaar hai,

Tujhme hi toh basa mera pura sansar hai,

Tu ha kar ya na kar maine maani nahi haar hai,

Pyar me tere bana ye aashiq kalakar hai,

Apne lafzo ke sahare tujhe baat jo batau,

Kash mai sach me tera ho jau...

Bato hi bato me ek baat batani reh gayi,

Dil me chupi pyari si murad jatani reh gayi,

Vada hu karta sath har pal mai nibhaunga,

Kahi bhul ho jaye humse toh iss vade ko dohoraunga,

Teri yaad me likhte likhte jana mai toh kahi kho chuka hu,

Bina teri izazat ke mai toh tera ho chuka hu,

Zindagi me teri ek bahar ban ke aau,

Kash mai sach me tera ho jau...

© Pankaj Ashok Gahlot